O martes 27 de febreiro, o alumnado de 1º ESO do IES San Mamede participou na actividade de promoción, do plan XOGADE, no pump-track de Monterrei.
De 10:00h. a 12:00h o alumnado coñeceu a modalidade pump-track e iniciouse na súa práctica, demostrando a súa habilidade na bicicleta.
O Departamento de Educación Física pretende fomentar a práctica deportiva entre o alumnado e que este poida coñecer e practicar unha gran cantidade de modalidades deportivas, promovendo o tempo de lecer activo e saudable.
Desde o Departamento queremos felicitar ao alumnado participante na actividade.
A vida activa e deportiva continúa no IES San Mamede!
