O mércores 6 de marzo de 2024, celebrouse o Campionato Escolar Provincial de Ourense de Orientación 2024, enmarcado no programa de Actividade Deportiva Escolar (Plan XOGADE). A organización estivo a cargo do Servizo Provincial de Deportes de Ourense (Secretaría Xeral para o Deporte) da Xunta de Galicia, a Federación Galega de Orientación, coa colaboración do Concello de A Rúa, a A.D. Limiactiva e o Club Peña Trevinca Barco.
O alumnado de 3º da ESO do IES San Mamede, desprazouse ata a área recreativa do Aguillón, na Rúa de Valdeorras, e iniciouse na práctica deste deporte na presenza de estudantado doutros centros educativos da comarca.
O centro educativo levou un total de catro equipos na categoría cadete (dous femininos e dous masculinos).
O Departamento de Educación Física quere felicitar a todas as persoas participantes pola súa involucración na actividade.
